Abschnitt 8

§ 12. (1164, Juli 25.) Anno domini m cccclxiiij in die Jacobi obiit Hinricus Speck, proconsul. (20v.)

§ 13. (1468 [1469? December 25].) Anno mcccclxviij iare ⁶⁰⁾, den gaff de woldedighe, erlike, vrame man Hermen Hate twe morgen ackers, dede belegen sint up deme Swantsehussche, deme gadeshuse vmme siner zele salicheit willen vnde siner husfrouwen Elizabeth vnde straff anno lxix Natiuitatis Cristi. De raet heft hir tinstgelt ynne. Jewelke morgen gift ⁶¹⁾ vij s. vnde i witten. So gift Titke Wikes morgen dar by. (38)

§ 14. (1470, Mai 20.) Anno domini mcccdxx dominica Cantate, don wart dat nye vorguldede grote cruce gesettet bauen deme vromissen altare myd den apostelen vnde loueren. Dat stunt to hope bauen hundert vnde xxx m. Don was Hans Koster werckmestere vnde was bauen xvj iare werckmestere. Don suluest des sundaghes sanck her Michel Kopman van gades gnaden sine ersten missen, scriuer des gadeshuses. (18,9)

§ 15. (1478 [1480, Januar 6].) Anno domini mcccclxxviij, don wart dat lutke nige orgelwerck ghemaket, als me na der wedeme geit. Dat makede de sulueste meyster, her Andreas vorscreuen, vnde straff dar auer in groter armmot vnde straff anno Ixxx epiphanie domini vnde ys bograuen vnder den suluesten intken orgelen.

God gnade siner sele etc. Clawes Hoppener prouisor. (18,8)

§ 16. (1479.) Item . her Olrick Malchow, borgermestere, seliger dechtnisse, bokande vaken in der rekenschop in der jegenwardicheit der borghermesteren vnde beiden werkmesteren, also Hans Kostere vnde Clawes Hoppenere, dat he hadde ene sulueren schalen, de was em settet vor en pant, de horde deme gadeshus to. De stot eni x m. vnde is wol xv m. efto xvj wert, vnde bot se deme gadeshus wedder to losende anno mcccclxxix. (1)

§ 17. (1480.) Item. her Gert Losten, borgermestere, is gheandwerdet en sulueren gordele, dat Helmich Busacker gaff vmme gades willen deme gadeshus. Dat sette Hans Koster uth her Wilken ⁶²⁾ vor xviiij m. Des bekande he in sime lesten. De helfte des geldes scholde dat gadeshus to hulpe hebben to den lutken orgelen vnde de andere vij m. scholde dat gadeshus wedder losen dat gordel. Na her Wilkens dode deden de testamentarien her Gerde vorbenomet in sekerheit vnde in bewaringhe des gadeshus dat gordel, vnde is bauen 1 m. wert, also vrame prestere vnde gude lude ok wol weten. Anno lxxx. (1)

§ 18. (1481, November 11, [1504, März 7].) Anno domini mcccclxxxj Martini episcopi, done wart ghewiget de Oldewismersche kerchoff van bisschop Nicolaus Pentzen, bisschop to Zwerin, vnde des anderen iares wart ghekaren bisschop Conradus Loste in sine stede vnde makede dat stichte quit vnde vrig vnde losede al de houen vnde breue wedder, de dar sine vorvarde ute settet hadde. - Na bischop Loste wart ghekaren her Johan Tun anno domini m quingentesimo quarto feria 5. ante Gregorii. (4v.)

§ 19. (1484.) Item . dat gadeshus sunte Niclawes heft nu myt alle buten in dorperen, in huouen vnde in eruen, vorsegelt vnde vorbreuet xxiiijcm. myn xj m. houestoles. Dar van schal kamen myt alle jarliker rente clxxix m., went wol uth kumpt. Anno lxxxiiij.

In terra Pole, in villa Nygendorpe, habet ecclesia sancti Nicolai redditus vnius laste annoni (!), videlicet cum Michaeli (!) Kerstens ij tremodia siliginis, ij tremodia ordei, iiij tremodia auene. (38)

§ 20. (1484.) Anno domini mccccixxxiiij iare, don wart de nige vorguldede funte geuen van eneme ratmanne to Lubeke. Sin name ys her Brant Hogeuelt vnde was ghebaren tor Wismer vnde heft ok ghegeuen de besten roden fluwels korkappen, vnde frame lude, borghere, de leten dat schranck dar vmme maken vmme de funte. (18,13)

§ 21. (1485, März 13. 1487. [1499, December 13].) Anno domini mcccc lxxxv iare des myduasten, don wart de olde klocktorne affghebraken vnde dat scherwerck vnde dat sperte des tornes vormyddels den tymmerluden, dede dar vor nehmen ⁶³⁾ xxij m., vnde al enbauen den murluden xvj m., dat se affdeckenden dat dack vnde dat ⁶⁴⁾ scherwerck dale nemen beth uppe de olden muren. Vnde murende des samers wedder vij stellinge hoch vnde xij vote dicke. Don was dat steruent des jares. Dar na, do me schreff anno lxxxvij iare, don loten se muren wedder an des samers vnde muren den torn hoch viij stellinge hoch. Item disse murmestere is gheheten Hans Mertens, de dissen torne heft ghemuret myt sinen medehulperen, vnde was des rades murmestere. Vnde de dissen torne hebben affghebraken laten vnde muren laten, dat sinth disse erlike vrame lude gewesen, also her Vicke Sasse - anno xcix obiit in die Lucie - her Niclawes Burmestere, ratmannen, Jacob Questin, vnde Hermen Haghedorne. Item . done sulues leten se en nighe scherwerck maken up den nyghen torne, vnde in sunte Elizabettes daghe leten se de klocken hogher winden vnde henghende see in dat nye scherwerck des suluen iares. Dat en ⁶⁵⁾ alle god bolone Vnde de werdigen hilgen patronen Des gadeshusz. Hinrik Neuer ys he genant, De dit scherwerck heft ghemaket myd siner hand etc. Don wart wol vorbuwet in den twen sameren wol dree dusent mark an lonynghe des volkes, an veleme kalke, mennich dusent stens vnde grote anckere, de dar ynne bomuret worden, dat wol borekent wart van den vorstenderen. (18,10)

---

⁶⁰⁾ Or: iare des iares, don.
⁶¹⁾ Or: giff.
⁶²⁾ Or: Willen.
⁶³⁾ Die Stelle lautete ursprünglich: dede dar vor deden xxij m. vnde al en bauen. Den murluden.
⁶⁴⁾ Or: fehlt.
⁶⁵⁾ Or: em.