Abschnitt 7

Michael Kopmann’s
Chronik St. Nicolai zu Wismar.


§ 1. (1333, April 29.) Consules ciuitatis Wismarie dederunt anno domini m ccc xxx tercio, post pascha, feria quinta ante diem sanctorum Philippi et Jacobi, sancto Nicolao pratum situm prope domum laterum ipsius sancti Nicolai pro hereditate cimiterio dicte ecclesie sancti Nicolai annexa iuxta recentem foueam, ita quod dictum pratum libere ac perpetuc sancto Nicolao pertinebit et econuerso dicta hereditas ciuitati pertinebit perpetue 49). Hec scripta reperiuntur eodem anno et die in libro ciuitatis. (A, v.)


§ 2. (1335, November 13.) Anno mccc xxxv in die Brixcii obiit Hinricus Korneke. (3)

§ 3. (1386.) Anno domini m ccc lxxxvj iare des samers, den wart dat kore upghelecht vnde muret van mester Hinrik van Bremen. Demo hebben se ghegeuen achte mark lifghedinges vnde sin daghelikes Ion alle daghe dar tho, vnde den was werkmestere Heydenrick Lucow, de vrame man, dede uele gudes heft ghedaen by deme gadeshusz, als me wol vint. Dat em god gnade, (18,1)

§ 4. (1406.) Anno domini mccccvj. Dar na quam Goslick 50) van der Kulen. De heft dat werckhus ghebuwen laten nye vter grunt vnde let dat vorgulde cruce maken, dat de kerckhere in groten festdagen vmme den hoff drecht, dar vele hilghedometes ynne ys. (18,2)

§ 5. (1434, März 28.) Anno domini mcccc xxxiiij des paschen done wart de afside ghemuret jegen der wedeme in der norder 51) siden. Prouisor meyster Peter Stolp. (18,3)

§ 6. (1437, März 31.) Anno domini mccccxxxvij des paschen wart de afside vnde lickhus ghemuret jegen der grouen. De murmester hete mester Hermen Munster vnde wart noch werckmestere to sunte Jurien vnde murede dar de kercken vnde lede 52) se ersten up etc. (18,4)

§ 7. (1437.) Anno domini m cccc xxxvij obiit dominus Nicolaus Witte, proconsul. (28)

§ 8. (1439 [1456].) Item. Dar na, do me schreff anno xxxix iare, done wart sunte Niclawes kercke upghelecht vnde ghemuret. Dit leth den de vrame man mester Peter Stolp, werkmestere, vnde plach wandaghes to wesende en rick groffsmyt. De heft groten flit vnde gud gedan bij sunte Niclawessz, dat wol merlik bowys ys, vnde straff dar na anno domini mcccc lvj kort vor pinxsten vnde is bograuen myd siner erliken husfrouwen in dat lickhusz 53) vnde was bauen xx iar 54) prouisor. (18,5).

§ 9. (1459, September 23.) Anno domini mcccc lix dominica ante Michaelis, don wart de nige kercke ghewighet in de ere gades vnde der hilgen patronen also Nicolai, Blasii, Katherine et Michaelis van deme bisschoppe bisschop Johan Pren. Vnde wighede na deme sundaghe viff cappellen vnde al de altaria dar benedden. in der kercken. Don was kerchere her Gerd Dryuoet, de erlike, vrame man, vnde sin cappellan her Mauricius Kumpen, vnde de 55) koster, de liefe her Brun Brant vnde was bauen ix iare koster. Vnde done was werckmestere Hinrik Platensleger, vnde ok vorstendere mede was de erlike truwe, vrame man genomet Gert Sasse vnde Marquart Questin, Hinnk Noete, Hinrik Myddeldorp. De leten dar na weluen de kerken vnde de afsiden myd merer hulpe der vramen lude. Dat en 56) alle god gnedich sy. (18,7)

§ 10. (1460.) Anno domini mcccc lx iare etc., done wart des heruestes gaten de grote klocke vp des Meklenborges haue manck deme wolke. Meyster Vincencius was sin name. Vnde he was van Rostke kamen 57). Vnde se was to voren gaten in kort Van meyster Voes, hadde se en ghebroeck. Dit werck leth den Gert Sasse. God geue, dat sin Ion vorniere vnde wasse In deme hemelrike 58). Biddet god vor em arm vnde rike. De dit ghescreuen heft myd siner hand, God gheue, dat he vnde wy alle 59) werden bokant Van den veer hilgen patronen.

Ere vordenst vnde hillicheit si vns to lone. Amen. De klocke wart in souen iaren twie gaten, Dat dede deme gadeshusz neue bate. (18,16) § 11. (1463.) Anno domini mcccc lxiij, don wart dat grote nyge orgelwerck vullentoghen vnde rede maket, vnde de meyster hete her Andreas Hagelsten, prester, vnde was van Brunswick vnde was wol dree iare dar auer to makende myd sineme kumpane, genomet Tile, dede dar na straff vnde ys bograuen vnder den groten orgelen, vnde kregen bauen twe hundert gulden dar vore vnde vrye kost. Gert Sasse des en houetman. (18,6)



49) Or: perp. econuerso.
50) Uebergeschrieben: Gottschalk.
51) Or: noder.
52) Or: ledede.
53) Or: lichkhusz.
54) Or: iar fehlt.
55) Or: de fehlt.
56) Or: em.
57) Verbessert für baren, wohl um des Reimes willen.
58) Or: helmelrike.
59) Or: allen.

Dieses Kapitel ist Teil des Buches Michael Kopmann's Chronik St. Nicolai zu Wismar