Abschnitt 9

Michael Kopmann’s
Chronik St. Nicolai zu Wismar.


§ 22. (1485, Juni 9.) Anno domini mccccixxxv feria vj post Corporis Cristi, den nam Hans Scroder hundert mark in dat gadeshusz, dar vore iiij m. to rente alle iare. Dit deden uth her Tymme Hane, ratman, vnde Hermen Haghedorne, dar se up hebben enen vorsegelden breff van deme gadeshusz, vnde dat gadeshusz heft en half inre to voren 66) to to segghende. Disse hundert mark heft gheuen Helmich Busacker to kalen up den schapen in vnser kercken, vnde quam to der buwet des tornes. Item . disse rente boren se in der Kropelinsschen straten by Clawes 67) Bullenberch, dar heft dat gadeshus hundert mark ynne, quondam twe hundert mark, dat nu her Jurien Koppe heft, ratman. (12v.)


§ 23. (1486) Anno domini mcccclxxxvj iare des winters, don wart de nige seygertorne ghebuwet in der kercken. Dat leten don de vramen, erliken 68) lude alse her Johan Munt, prester, her Johan Hoppenacke, borgermestere, her Vicke Sasse, her Hermen Stitent, ratmannen, vnde geuen deme tymmermanne Hinrik Neuer xlv m. Vnde buwede den torne rede vnde henghede den seyger dar yn. Vnde de seyger efte de klocke wart drye ghegaten, twye buten deme Lubeschen dore bij sunte Jurien tegelhaue, wandaghes en kerckhoff 69) gheweset, so me secht. To der drudden reyse wart se gaten up des Meklenborges haue, dar van de vorstendere grote sorghe hadden, dat se drye gaten wart. (18,14)

§ 24. (1489, August 29.) Anno domini mcccclxxxix in die dccollacionis sancti Johannis baptiste, done was tor Wismer koninckg Hans van Dennemarke vnde stack myd hertich Magnus up deme markede, vnde willen to samen aff, vnde steken noch wol soes par efte achte par Holsten hauelude vnde Meklenborgere. Done suluest was de koninck vnde mere heren vnde vele hauelude vmme der Rostker krich willen, vnde wart done nicht sleten. Vnde hertich Magnus van Meklenborch, de quiteredese alle vth ulh den herberghen. Dar weren ok veer biscoppe de biscop van Zwerin Conradus Loste, de biscop van Hauelberge, sin naine Aluenslege 70), doctores, episcopus Raseburgensis Johannes Parkentin, episcopus Lubicensis Krummedick, ok de van Hamborch, van Luneborch, van Lubeke vnde vamme Sunde etc. (19,2)

§ 25. (1490.) Item heft das gadeshusz vj morgen ackers bolegen by der lantwere bij der Kritzouwer borch vnde bij her Hermen Monnekes ackere vnde bij Peter Lassen ackere. De heft v morgen vnde dat gadeshusz vj morgen, dar stan veftich mark inne tosamen. Disse vj morgen heft ghegeuen vmme siner sele salicheit willen Peter Schipman, dar en vorsegelt breff uppe is, den heft dat gadeshus. Anno xc. (38)

§ 26. (1492, Februar 6. [1477, März 16].) Anno domini mccccxcij in die Dorothee, done loseden 71) de hochbaren forsten vnde heren hertich Mangnus vnde Baltazar, hertich Hinrikes zons van Meklenborch, deme god gnade, veerhundert mark Lubesch, drehundert vthe Lubow, vthe Crassow vnde vte Redentin, vnde hundert 72) vte Smakentin. Dit borde Hans Scroder, werckmestere. To Tressow ys en hundert bolecht, hundert heft 73) he dan deme rade. Dar geuen se vor v m. to rente to twen tiden. Veftich heft he ok bolecht to Vrimenstorpe, vnde veftich heft he geuen her Vicke Sassen. So heft he noch hundert mark by sick in bowaringhe. Hertich Albert vnde hertich Johan weren ok sine sons vnde hadden dat lant to Wenden etc. Anno domini lxxvij, Letare, done starff hertich Hinrik van Meklenborch, ere vadere. (3v.)

§ 27. (1493, Juli 10.) Anno domini mccccxciij in die septem fratrum, done wart ghescreuen deme gadeshusz in der stat bock de dree boden tome egendome vp der Nyenstad by her Bernt Pegel vnde bij den almissen. Disse iij boden staed deme gadeshuse hundert mark, de plegen to stände in deme gansen orde to vornen. (A.v.)

§ 28. (1491, August 15.) Anno domini mccccxciiij Assumpcionis Marie, don wart ghemaket vnde settet de nige stol vnder den grotcn orgelen achter der 74) schepestymmerlude altare. Dat hebben ghevordert alse Blasius Hane, consul, vnde Hinrik Houwer, Hans Rutinck vnde mer vrame, erlike lude, de dar tho geuen hebben. God wese ere Ion. Vnde koste xlvij m. (18,15)

§ 29. (1405, Juli 25.) Anno xcv Jacob i, obiit Wipert van Plesse cum vxore sua et pueris suis tempore pestilencie. (14)

§ 30. (1495, November 19.) Item Hinrik Moleke, de erlike, vrame man, de heft gheuen bij siner wolmach sin hus myd dren boden bolegen bij der grouen, dede straff anno mccccxcv in die Elizabeth vidue. Disset hus vnde boden sint ghescreuen in der stat bock deme gadeshusz. (1)

§ 31. (1495.) Anno xcv des heruestes, done let dat gadeshusz setten enen nyen soet, dar de post stan 75) hadde, uppe 76) des gadeshusz egen kost vnde lonynghe van twen dorsneden blocken. (18,18)

§ 32. (1496.) Anno xcvj des samers, do let dat gadeshusz buwen de nyen cappellen vppe deme kerchaue by her Witten cappellen. Dar wart dat cruce ynne settet, dat plach in deme lickhuse to stande 77). (18,17)

§ 33. (1497, August 24.) Item . de murmester Hans Mertens obiit in Temptzin anno xcvij Bartholomei. (18,17)

§ 34. (1497, December 22.) Anno xcviij altera die Tome apostoli obiit Petrus Malchow, proconsul. (18v.)




66) Or: to voren fehlt.
67) Or: Cla.
68) Or: erlike.
69) Or; kerffhoff.
70) l.: Aluensleuen.
71) Or: losen de.
72) hundert fehlt.
73) heft heft.
74) Or: des.
75) Or: stande.
76) Or: fehlt.
77) Or: stadende.

Dieses Kapitel ist Teil des Buches Michael Kopmann's Chronik St. Nicolai zu Wismar