103. Hexe melkt einen Ziegenbock.(Plattdeutsch)

Dor was mal ees een Mann, de wull sich 'ne Zäg köpen. He funn ok eene. He leet se sick nu vörmelken, un se gaww schöne Melk. As he öwer mit ehr nah Huus kem, seech sin Fru, dat dat'n Zägenbuck wir, den' ehr Mann köfft harr. Se schull em düchtig ut un schickt em nah de Fru torüh, von de he de Zäg köfft harr. De Fru säd öwer, dat wir gor keen Buck, un melkt werre, un de Zäg gaww ok werre schöne Melk. Den' Mann wull dat nu gor nich in'n Kopp kamen; he keek genauer hen un seech, dat an dat Üder (Euter) von de Zäg een Zettel befestigt wir. Daran markt he, dat he de Zäg von eene Hex köfft harr. He leet de Zäg dor und ging werre nah Huus.

Mündlich aus Prora.