Abschnitt 10

Michael Kopmann’s
Chronik St. Nicolai zu Wismar.


§ 35. (1498, Februar 8.) Anno xcviij feria v post Dorothee virginis obiit Hinrik Neuer. (18,12)


§ 36. (1498.) Anno domini mccccxcviij des samers, done wart dat nighe dore ghemuret achte stellinge hoch vor deme Polre dore vor der velbrugghe. To langhen tiden thovoren was dat fundamente ghelecht in der erden. (19,1)

§ 37. (1499.) Anno domini mccccxcix, done gaff Hans Mestelin, borghere, in sime lesten enen nyghen vorgulden kelk deme gadeshuse, de woch xxxvij- loth. (1)

§ 38. (1500.) Anno domini m quingentesimo, don wart ene nyge lutke sulueren monstrancien geuen 78) vul hilgedometes. Done suluest gaff her Kersten Wedeghe, prester, deme gadeshusz en dubbelt kopperen cruce, vorguldet. Dat stot em pandes vor xij m. Des suluen iares done wart hir in de kercken gheuen ene nige conserua, de wecht xliiij- loet suluers. De schaffede hir Gert Cladow. (1)

§ 39. (1500, Februar 6. [1501, März 5].) Anno domini m ccccc in die Dorothee gaff Hans Brant deme gadeshusz sunte Nicolawesse 79) en bedde, ij houetpole, ij grapen, i ketel, iiij tynnewerkes, ij kisten vnde i schap 80), bil, exsen, hameren, so eneme schepestymmermanne bohort hebbende, neueger, klofhamere vnde dorslaghe, vnde wes he heft, kort vnde klen, in siner boden. Dit is gheschen in der jeghenwardicheit Hans Scroders, prouisoris, Detmer Sasse, her Michel Kopmans. Anno domini mvc primo, feria vjta ante Reminiscere obiit Hans Brant. Dit vorscreuen heft Lutke Negendancke entfangen. (37)

§ 40. (1500, Juli 14.) Anno domini mvc altera die Margarete virginis, done dede Hans Scroder rekenschop den borgermesteren, alse her Gert Losten, her Johan Hoppenacken vnde her Brant Smyt, vnde done suluest wart entfangen Lutke Neghendancke vor enen vorstendere, vnde dat nascreuen entfengk he done van des gadeshuses wegene. Item . hundert rede mark, de plegen to stände tovoren in Hans Esschen husz in der boddeker straten. De heft Hans Scroder nicht wedder bolecht. Ve illi. Noch xxvj m. vij s. Noch xiiij sulueren 81) lepele. Item twe sulueren schalen vnde twe sulueren neppeken. Item . dat sulueren 82) gordele, dat Helmich Busackere deme gadeshuse geuen hadde, dat heft he nicht entfangen, dat ys by her Gert Losten etc. Item enen dusync 83) myd ix klocken vnde myd viij loueren. Item enen daggen myd suluere bolecht myd euer sulueren keden. Jtem xxj loth brandes suluers myd ener bressen vnde enen braken lepele. Item enen remen myd suluere boslagen, vnde twe pater noster myt eneme vorgulden boghe. Item ene nuoth myd suluere bolecht. Item twe lutke schappe 84). Des gadeshuses ingeseghel. Item xxvij stucke kannen, luttick vnde grot, vnde ene grote missinges kanne. Item xxviij tynnen 85) vate aueral, luttick vnde grot. Item twe iareboke, dar dat lifghedinck ynne steit. Item xxxvij grapen, luttick vnde grot. Item enen mosere myd enem stotere. Item enen kouoet vnde ene grote saghe. Item xj missinges ketele vnde bratspete, enen bratschapen. Item ix hantbecken vnde dree hantfate. Item dree blaseketele vnde tynnen 86) vlassche. Item twe grote ketele vnde driuote. Item vj tynnen tallore, vcer apen stope, vj salsereken vnde dree puote. Item twe bedde, iij houetpole vnde twe arge deken 87) vnde iij knechtebedde. Item dree grote kakegrapen vnde benclaken vnde ene kopperen 88) luchte vnde enen 89) missinges luchtere myd iiij luchterpipen. Item dree vurschapen vnde ij vurschapen, dar me de spise up settet, vnde krose vnde glese, missinges decken. Item veer kisten, iij laden vnde dre schappe vnde j grote lichtforme. Item viff side speckes vnde ij tunnen kovlessches in deme wymen. Item veer laste kalkes in deme kalkhuse vnde j quarter brandes stenes up deme tegelhaue. Item veer munde kalkes vngebrant vnde j schute holtes vor ix m. up deme tegelhaue vnde dar bauen nicht mere. Vnde iiij koege, j ossen, vj gose. Hans Scroder heft dat gadeshusz vnde den tegelhoff sere to achtere brocht, vnde he heft o k houetstoles uppe bort bauen dusent mark, dar men iiij-c ys wedder bolecht, vnde were beter vor sine zele, dat he nummer were bij dat gadeshusz ghekamen, wente he heft o k vele uppe boret van vramen luden, gelt, kannen, gropen, ketele, kledere, rocke 90), hoyken, beyde 91), laken, kussen, bedde, deken etc., alse vrame lude in eren husen hath hehhen, dar he nene rekenschop äff dan heft, vnde sine vterkaren leuen vnechte n dochteren, de hebbens wol genoten etc.

Item . dit nascreuen heft Hans Scroder noch entfangen van testamentes wegen van Rosen Cillien wegene seliger dechtnisse. In dat erste dat drudde part van eneme sulueren schouwere vnde dat drudde part van eneme sulueren gordele. Noch dat drudde part van eneme krallensnore vnde ene gulden lannen vnde v guldene boghe vnde iiij sulueren lepele, noch x par schruuen vnde en parlestrick. Dit ys nicht to rekenschop kamen vnde noch vele mer etc. He wert des wol vinden 92). Item disse vorscreuen andere beyden parte kregen de anderen beyden gadeshuse, ock so vele, van Rosen Cillien wegene. (33)

§ 41. (1500, November 5.) Anno domini m quingentesimo feria 5. post animarum obiit dominus Johannes Hoppenacke, proconsul. In sine stede quam Hermen Malchow. (13v.)

§ 42. (1500, November 19.) Anno domini m quingentesimo in die Elizabeth, don was tor Wismer hertich Hinrik van Brunswick vnde stack up deme markede myd hertich Hinrik van Meklenborg, hertich Magnus sone. De bohelt den prys. Vnde steken noch wol viff pare hauelude myd scharpen blancken tughe etc. (19,3)

§ 43. (1503, November 19 [1504, April 26].) Anno domini m quingentesimo tercio in die Elizabeth obiit hertich Magnus van Meklenborch vnde regerede in sinen dagen also en grot, merlick vorste vnde here. Des anderen iares, do me schreff na gades bort m quingentesimo quarto, altera die Marci, obiit Sophia, vxor eius, vnde ere vadere was van Pameren en here vnde van Stettin etc., vnde ere wart en nyghe graff ghemuret to den swarten broderen vor deme hoghen altare tor Wismer. Dar wart ere licham inne lecht. God gnade ere sele 93). (3v.)



78) Or: geuen myt.
79) Or: Nicolawesse in dat erste gaff he.
80) Or: schaep.
81) Or: suluere.
82) Or: suluere.
83) dusynt ganz deutlich statt dusync.
84) Or: schaeppe.
85) Or: tynne.
86) Or: tynne.
87) Or: argedeken.
88) Or: kopper.
89) Or: ene.
90) Or: rotke.
91) Durchaus deutlich. Vielleicht verschrieben für bedde und bei der Correctur übersehen.
92) Or: vindende.
93) Or: lese.

Dieses Kapitel ist Teil des Buches Michael Kopmann's Chronik St. Nicolai zu Wismar