Veranschlagung eines nicht genannten Papiermachers zur Anlegung einer Papiermühle in Neustadt, c. 1519.

Großherzogliches Geheimes und Hauptarchiv. Acta, betreffend Papiermühle Neustadt.

Einige Blätter in Quart ohne rechten Anfang und Ende. Undatiert; wie es scheint, nicht einmal von derselben Hand. In dorso: verzeichnuß des papirmachers, was er zur mollen unnd sonst zu notturfft der arbeidt haben muß.

Dem meyster vhor essen und trincken und besoldung sieben und dreyßigk gulden. Item dem eynen meysterknechte acht und zwentzig gulden vhor essen und trincken und lon.

Item dem anderen meysterknecht auch acht und zwentzigk gulden vhor essen und trinken und Ion.

Item dem eynen untterknecht vhor essen und trincken und Ion vier und zwentzigk gulden.

Item dem anderen untterknecht vhor essen und trinckenn und Ion drey und zwentzigk fl.

Nachdem sich der meyster erbewth die vier knechte mit bethgewanth zu erhaltten zu kehren und sonst helffen inzugreffen, soll man seyner hawsfrawen zehen gulden alle jhar zu dranckgeldt geben. Zehen gülden unnd der vorlech, weill man hawet, zu essen und zu trincken und itzo von der Newstad 2 sch. rogken zu verschreiben.

Vor 600 fl. papir auff drey rade. Wo aber E. F. G. großes papir haben will, soll es - - - 24 platenn nach inliggender maß, daß die platenn so lang als der gantz schur unnd die breite als das lengste ende, dar der knupff gemacht ist unnd eins dumenbreidt hoch.

44 ringe drey vingerbreidt hoch unnd eine forderspanne langk gleich vierkandt unnd am eisen eins kleinen vinger dick.

10 klammern einen fordernspannen langk, zwey finger breidt unnd eins halben fingern dick.

1000 nagell wie der meister dartzu ein muster geben wirt.

6 zapfenn inn wellen, die fern spitzigk sein.

12 ringe über die welle.

300 filtz.

400 pfundt stricke als ein vinger dick.

1 kessell, darin vier tonne wasser gehen.

Zu gedenken der haderlumpen zu bestellen, auch des abschneides von den heuten zum leym. Wen E. F. G. pappirmœl ganckhafftig ist, szo muß E. G. alle jar haben:

100 gulden vor lumpen

15 gulden vor leymledder

10 gulden vor fylcz

6 gulden vor 2 par formen

8 thunnen kalck

20 punt allun.

Der geszellen lon, auff 2 rade gebaut muß 4 gesellen haben:

30 gulden dem meistergesellen und essen und trincken

20 gulden dem andern gesellen und essen und trincken

16 gulden dem dritten und essen und trincken

14 gulden dem verden. und essen und trincken

Hyr von den lumpen wyll ich E. F. G. mith Gottes hulffe alle jar vor 400 gulden pappir voranthworten, wen E. G. das reys schon umb 1/2 gibt.