Johann Smedeken, Kellerhauptmann zu Lübek, an Mathias von Brügge, Rathmann zu Wismar. D. d. Lübek, 1483, November 28

An her Mathias van Brugghe wanafftich tho der
Wysmer kome desse breff f[runtliken]
g[heschreuen].

Minen denst nu vnde tho allen tiden. Wetet, leue her Mathias, gude frunth, alze gi hebben gheschreuen an my vnde Hans Schutten vmme I ghud stucke wins, so wetet, dat ik jw sende I stucke wins by Barnekowen vnde is dat beste , dat wy hir van stunden an hebben imme kelre vor nien win, dat loueth Frigken (?) vppe louen, vnde dat stucke wins holt VI ame vnde VI steueren. Dat stoueken steyt XII … witte. Vort so bidde ik fruntliken, dat gi willen so wol den vnde gheuen LXX mark deme ghennen, an weme dat Hans Ouerkarke se ouerschrifft tho jw tho der Wysmer. Nu nicht mer, man sijt ghode beualen nu vnde tho ewighen tiden. Gheschreuen tho Lubeke des ersten Frigdages na Katherine amme jare LXXXIII.


Johan Smedeken, houethman tho Lubeke in des
rades winkelre .

Auf einem Blatte Papier im Wismarschen Rathsarchive.

Dieses Kapitel ist Teil des Buches E. E. Raths Weinkeller zu Wismar