Henning Meyger in Lübek an Claus Bischof, Raths Schenken zu Wismar. D. d. Lübek, 1481, Juny 20
Dem ersamen Klawes Bysschup, wyntepper tor
Wysmer, sal dusse breff.
Jhesus.
Fruntliken grot to voren. Klawes gude frunt, dot wol vnde gheuet Gert Schurman, ys dor eyn borgher, dat gelt, gy my [schuldich] syn vor dat stucke wyns. Hebbe gy et nicht geamet, so tatet et amen vn(de) vornoget my dussen man, des bydde ik juw, vnde geuet om, wat dat stucke wyns lopt. Item. fort, Klawes, gude frunt, so gy in testen by my to Lubeke weren vnde van Margreuen eyn stucke wyns kosten (!), so gaf ik ju ok van myn wyne dryngken, was vppe den auent, do sede gy, wotde ik dat steueren geuen vmme V s., so wotde gy et an juwe heren bryngen vnde wotden my eyn antwort scryuen. Item. so wettet, gude frunt, dat ik dat sulue stucke wyns noch hebbe. Spreket myt juwen heren. Isset sake, gy des behoff hebben, so wyt ik ju dat stucke wyns senden, dat stoueken vor XV . . . wytten. Ik meine van dem houetman wol orleff (to krygen). Isset sake ju hyr wes vmme [to donde] ys, dot dat wol. Scryuet my myt den ersten wedder vnde, dat soden vnder vns mochte blyuen, bydde ik ju. Sus sundergen nicht, den bedet to my. Syt godde beuoten. Gescreuen in Lubeke an dem auende corporis Cristi LXXXI.
Hennyng Meygher.
Item. scryuet gy my wat wedder, so bestelt den
breff in den wyenketter, so wart he my wol.
Auf einem Octavblatte Papier. Das Siegel zeigt eine Hausmarke. Hinrich Margreve lieferte ebenfalls für den Wismarschen Keller.
Wysmer, sal dusse breff.
Jhesus.
Fruntliken grot to voren. Klawes gude frunt, dot wol vnde gheuet Gert Schurman, ys dor eyn borgher, dat gelt, gy my [schuldich] syn vor dat stucke wyns. Hebbe gy et nicht geamet, so tatet et amen vn(de) vornoget my dussen man, des bydde ik juw, vnde geuet om, wat dat stucke wyns lopt. Item. fort, Klawes, gude frunt, so gy in testen by my to Lubeke weren vnde van Margreuen eyn stucke wyns kosten (!), so gaf ik ju ok van myn wyne dryngken, was vppe den auent, do sede gy, wotde ik dat steueren geuen vmme V s., so wotde gy et an juwe heren bryngen vnde wotden my eyn antwort scryuen. Item. so wettet, gude frunt, dat ik dat sulue stucke wyns noch hebbe. Spreket myt juwen heren. Isset sake, gy des behoff hebben, so wyt ik ju dat stucke wyns senden, dat stoueken vor XV . . . wytten. Ik meine van dem houetman wol orleff (to krygen). Isset sake ju hyr wes vmme [to donde] ys, dot dat wol. Scryuet my myt den ersten wedder vnde, dat soden vnder vns mochte blyuen, bydde ik ju. Sus sundergen nicht, den bedet to my. Syt godde beuoten. Gescreuen in Lubeke an dem auende corporis Cristi LXXXI.
Hennyng Meygher.
Item. scryuet gy my wat wedder, so bestelt den
breff in den wyenketter, so wart he my wol.
Auf einem Octavblatte Papier. Das Siegel zeigt eine Hausmarke. Hinrich Margreve lieferte ebenfalls für den Wismarschen Keller.
Dieses Kapitel ist Teil des Buches E. E. Raths Weinkeller zu Wismar