Metke, des Rathmanns Hans Krevet zu Wismar Hausfrau, an Bürgermeister Peter Langejohann in Lübek. (Wismar, 1464), September 22.

Weten schole gy, leue vader, dat ik w breef vol vornamen hebben van . . . . enschen. Item, so wetet, dat vnse heren dallyge in samende to II to huvs qweme vnde hedden to heren weset, men, also ik vul vorfare, se hebben jo nen goden troste kregen. se helden it so hemelik, do se qwemen. Item, so hebben se Tanken hir wedder in namen. Item, de persone is hir ok leydet, dar gy den bref af kregen, de komt hir ok. Item, ik sprak Bygaden, de sede my also, he konde alle tyt nen gelt don, dar he vp mede toge vnde hyr weidder. do Herrmanns vp ret, do hedde he ewen den vader beden, dat he Wynterpale volde so fele gewen, he volde eme syn lewedage nycht mer bydden, he volde vol so lange van hir blyuen, he volde vol vat svluen in de hant krygen. ok wyl he em hir t auver wynter nycht holden, kort af, wyl he nycht vp ten, so schal he segelen vnde vordenen vat. he kan nycht arm werden vmme synen wyllen. he sy en alte man, he kan nycht vordenen. Ok heff he nen gelt. Item, so konde ik de parsonen nycht to vorden krygen, de mede to heren was, men ik wyl it w scryuen by Merten, vat ik vorfare. Nycht mer men wele goder nacht. Segget Taleken gude nacht. Gescreuen des Sonandes vor sunte Mychgel. Seggen allen vnsen gvden vrunden gvde nacht.

Metke K[reuet].

Auf einem Octavblatte Papier im Wismarschen Archive.